ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਅੱਜ ਨਵੀਂ ਦਿੱਲੀ ਵਿੱਚ ਸਾਲ 2022 ਲਈ 70ਵੇਂ ਰਾਸ਼ਟਰੀ ਫਿਲਮ ਐਵਾਰਡ ਪ੍ਰਦਾਨ ਕਰਨਗੇ। ਇਸ ਮੌਕੇ ‘ਤੇ ਮਸ਼ਹੂਰ ਅਦਾਕਾਰ ਮਿਥੁਨ ਚੱਕਰਵਰਤੀ ਨੂੰ ਸਿਨੇਮਾ ਦੇ ਖੇਤਰ ‘ਚ ਸਭ ਤੋਂ ਵੱਡੇ ਸਨਮਾਨ ਦਾਦਾ ਸਾਹਿਬ ਫਾਲਕੇ ਐਵਾਰਡ ਨਾਲ ਨਵਾਜ਼ਿਆ ਜਾਵੇਗਾ। ਕੰਨੜ ਫਿਲਮ ਕੰਤਾਰਾ ਵਿੱਚ ਸ਼ਾਨਦਾਰ ਅਦਾਕਾਰੀ ਲਈ ਰਿਸ਼ਬ ਸ਼ੈੱਟੀ ਨੂੰ ਸਰਬੋਤਮ ਅਦਾਕਾਰ ਦਾ ਐਵਾਰਡ ਦਿੱਤਾ ਜਾਵੇਗਾ। ਸਰਬੋਤਮ ਅਦਾਕਾਰਾ ਦਾ ਐਵਾਰਡ, Nithya Menen ਨੂੰ ਤਾਮਿਲ ਫਿਲਮ Thiruchitrambalam ਲਈ ਅਤੇ Manasi Parekh ਨੂੰ ਗੁਜਰਾਤੀ ਫਿਲਮ Kutch Express ਲਈ ਦਿੱਤਾ ਜਾਵੇਗਾ।
ਸਿਨੇਮਾ ਬਾਰੇ ਸਰਬੋਤਮ ਕਿਤਾਬ ਦਾ ਐਵਾਰਡ Anirudha Bhattacharjee ਅਤੇ Parthiv Dhar ਵਲੋਂ ਲਿਖੀ ਗਈ ਕਿਤਾਬ ”Kishore Kumar: The Ultimate Biography” ਨੂੰ ਦਿੱਤਾ ਜਾਵੇਗਾ। ਸਰਬੋਤਮ ਫੀਚਰ ਫਿਲਮ ਦਾ ਐਵਾਰਡ ਮਲਿਆਲਮ ਫਿਲਮ Aattam ਨੂੰ ਦਿੱਤਾ ਜਾਵੇਗਾ। Sooraj Barjatya ਨੂੰ ਉਹਨਾਂ ਦੀ ਫਿਲਮ Uunchai ਲਈ ਸਰਬੋਤਮ ਨਿਰਦੇਸ਼ਕ ਐਵਾਰਡ ਨਾਲ ਸਨਮਾਨਿਤ ਕੀਤਾ ਜਾਵੇਗਾ।
ਸੰਗੀਤ ਸ਼੍ਰੇਣੀ ਵਿੱਚ, Arijit Singh ਨੂੰ ਬਿਹਤਰੀਨ ਗਾਇਕ ਅਤੇ Bombay Jayashri ਨੂੰ ਬਿਹਤਰੀਨ ਗਾਇਕਾ ਦਾ ਐਵਾਰਡ ਦਿੱਤਾ ਜਾਵੇਗਾ।
